Deskargatu kartela

Mobilizazioak

Gasteiz: 12:30etan San Anton Plaza | Bilbo: 18etan Jesusen Bihotza

Donostia: 18etan Boulevard | Iruñea: 18etan Antoniutti

2023 markak hausten ari da indarkeria matxistaren datuetan. 52 emakume hil dituzte aurten estatu mailan, 2003az geroztik 1.237 . Bortxaketak %53,2 ugaritu dira, eta egunero agertzen dira albiste berriak komunikabideetan. Haur eta neska oso gazteen aurkako sexu-erasoak, mendetasun kimikoaren erabilera, salaketa artxibatuak, erasotzaileak kalean... Guk hildakoak jartzen ditugu eta hemen ez da ezer gertatzen. Jasanezina da.

Deskargatu kartela | eskuorria

Matxismoa, faxismoa, Gazako genozidioa. Aski da!

Klaseko feminismo iraultzailea altxatu!

Mobilizazioak

Bilbo: 12etan Udaletxea | 17:30etan Jesusen Bihotza

Donostia: 12:30etan Udaletxea | 18etan Antiguoko Tunela

Gasteiz: 13etan Adurtzako Lanbide | 18etan San Anton Pza.

Iruñea: 12:30etan Diputazioa | 18etan Antoniutti

2023a markak apurtzen ari da indarkeria matxistaren datuetan. Urtea amaitzeko hiru hilabete falta direnean, eraildako emakumeen kopurua 2022koaren parekoa da (49 krimen), eta bortxaketak %53,2 igo dira. Aldi berean, muturreko eskuina emakumeen eta LGTBI kolektiboaren aurkako diskurtso negazionista eta erreakzionarioa gogortzen ari da, eta mezu hori gure ikastetxeetan sartzen ari da.

Alderdi Popularra eta VOX ez dira ezkutatzen eta ez dute disimulatzen. Gure aurka datoz, eta telebistako adierazpen bakoitzean, mitinean edo sare sozialetan argi utzi dute: LGTBI kolektiboaren aurkako, emakumeen aurkako, eta migratzaileen aurkako gerra nahi dute.

150.000 gaztek Emakume Aske eta Borrokalarien manifestazioak bete dituzte

Hemen argazki eta bideo galeria

2023ko martxoaren 8a indar eta determinazio masiboaren eztanda izan da, inspirazio iturri bikaina. Eskuin mediatikoaren kanpaina izugarriaren gainetik, PP eta Vox eztarria urratu arte zaunkaka aritu diren arren eta PSOEren etengabeko lan zikina gorabehera –horretarako EAJren laguntza paregabearekin –, feminismo borrokalariak egun historikoa marraztu du berriro.

Deskargatu kartela

MANIFESTAZIOAK 12etan: Bilbo: Arriaga Plazan / Donostia: Boulevard / Gasteiz: Andra Mari Zuria / Iruñea: Udaletxea

Arratsaldean: Bilbo: 19:30 Jesusen bihotza Iruñea: 20:00 Antoniutti Gasteiz: 19:00 San Anton Donostia: 18:30 Antiguoko tunela Baiona: 15:00 Merkatu Plaza

Kapitalismoa emakumeon aurkako indarkeria da

2003an erregistro ofizialak hasi zirenetik hilketa matxista gehien izan diren hilabete gisa igaroko da oroimenera 2022ko abendua. Joan den urtean, bi adingabe eta 49 emakume hil zituzten euren bikotekideek, bikotekide ohiek edo aitek Estatu mailan.

Kasu horietako ia erdietan aurretik salaketak jarrita zeuden eta bost kasutan ustezko babes neurriak zeuden, baina ez zituzten erailketak eragotzi. Jasanezina da. Gu hiltzen jarraitzen dute eta hemen ez da ezer aldatzen. Egoera oso bestelakoa litzateke biktimak, emakumeak izan beharrean, gotzainak, bankariak, politikariak edo epaileak balira.

Prostituzioaren abolizioaren alde, transfobiaren eta faxismoaren aurka borrokatzeko, bat egin feminismo iraultzailearekin!

Manifestazioak: · Bilbo: 19h Jesusen Bihotzetik / Sagrado Corazón · Donostia: 19h Bulebarretik / Boulevard · Gasteiz: 19h San Anton Plazatik / Plaza San Antón· Iruñea: 20h Gaztelu Plazatik / Plaza del Castillo

Azaroaren 25a Indarkeria Matxistaren aurkako nazioarteko eguna da eta munduan zehar manifestazio jendetsuak egingo dira. Euskal Herrian ere kaleak hartuko ditugu beste behin, exijitzeko emakumeon aurkako sarraski honekin amaitu beharra dagoela, baita justizia patriarkalaren eta sistema kapitalistaren babesean garatzen den indarkeria matxista ororekin ere.