Komiteak sortu gerra inperialistaren aurka institutu eta fakultate guztietan!

Kartela jaitsi                 Eskuorria jaitsi

LEER EN CASTELLANO

Orain dela egun gutxi mundu osoa hunkituta utzi zuen Parisko hilketa terroristak, 120 hildako baino gehiagorekin eta ehunka zauriturekin. Estatu Islamikoak (ISIS) aldarrikatutako basakeria latz honi hizkera bikoitzarekin erantzun zioten Hollande, Cameron, Merkel eta Obama bezalako Mendebaldeko agintari nagusiek: alde batetik “demokraziaz”, “ongizate estatuaz”, eta “askatasunaren defentsaz” hitz egiten dute, baina praktikan gerra berri latz bat prestatzen ari dira denon eskubide demokratikoak murrizten dituzten bitartean.

LEER EN CASTELLANO

Atzo, Bizkaiako gazteak kalera atera eta Bilboko kaleak bete genituen beste behin hezkuntza publiko, doako, duin eta euskaldunaren alde. Greba jardunaldi honetan, institutuetako eta unibertsitateko 5.000 gazte eta ikasle baino gehiago joan ginen Moyua Plazatik Arenaleraino EAJren gobernua aurrera eramaten ari den hezkuntza publikoaren murrizketa politika salatzeko. Betikook jasaten ditugu murrizketak eta erasoak: gure ikastetxeetan gero eta egoera zailagoan aurkitzen garen langileen seme-alabok. Baliabide gabezia, unibertsitatera joatea oztopatzen diguten tasa ordainezinak edo zuzenean EHUko 11 fakultate itxi nahi dituen unibertsitateko hesrtura plana. 

Hezkuntza publikoa, doakoa, duina eta euskalduna nahi dugu langile klasearen seme-alabentzat!

Manifestazioa
12etan Moyua Plazatik

Leer en Castellano

Eskuorria jaitsi   Kartela jaitsi

Hezkuntza publikotik langileen seme-alabak baztertzeko PPk aplikatutako murrizketen aurka borroka indartsua mantendu dugu ikasleok. Eraso asko izan dira: LOMCE, Wert ministro oihak nazionalitate zapalduetako gazteak “españolizatzea” helburu zuena, beken murrizketa edo 3+2 dekretua. Hemen, LOMCE bezalako neurrien aurka balego bezala azaldu da EAJ baina errealitatea oso bestelakoa da: %100ean elkarbanatzen dute izpiritua eta dagoeneko EAEn aplikatzen ari dira. Euskal eskuinak eskuin espainiarraren errezetak konpartitzen ditu hezkuntza sistema publikoarentzat. Helburua hezkuntza publikoaren aurrekontua murriztea eta murriztea da azken urte hauetan ikusi dugun bezala. Guzti honi unibertsitateko herstura plan konplexua gehitzen zaio, EHUko hamaika fakultateren itxiera suposatuko duena.

LEER EN CASTELLANO

Azaroaren 13ko gauean, Paris gogor kolpatu zuen eraso terroristak. Une hauetako datuak 129 hildako eta 350 zauritu dira, hauetako 80 egoera kritikoan. Maila honetako atentatua 2004ko martxoaren 11n Madril hiria jo zuen hilketarekin bakarrik konpara daiteke. Jende anonimoak ilarak egin zituen Puerta del Solen odola eman ahal izateko. Gaur, adibide berbera ikus dugu osasun zentro paristarretan, non jendea hiru orduz zai egon den bere odola emateko. Hau ez da izan elkartasun adibide bakarra. Gazteak, helduak, etorkinak… asko izan dira lehen minutuetatik sare sozialak erabili zituztenak beren etxeak irekitzeko atentatuek eragindako beldurragatik kaleetan aterpea bilatu ezinik noraezean zabiltzanei. 

Kartzela kondenak Iruñean atxilotutako bost gazterentzat LOMCEren aurkako M27ko greban parte hartzeagatik

Ikasle Sindikatuak eta Ikasle Abertzaleakek 2014ko martxoaren 27an deitutako greban poliziak 20 gazte baino gehiago atxilotu zituen Iruñean, Lomceren aurka manifestatzera atera ginen ikasleen aurka kargatu ondoren. Lege frankista honen helburua langileen seme-alabak unibertsitatetik botatzea eta eskubide linguistiko nazionalak ez errespetatzea da. Gazte horietako bost enkausatuak izan dira eta lau eta sei urteko kartzela eskatzen da beraientzat. Erabat justifikaezina da kondena hau eta atzean dagoen arrazoi bakarra eskuinak gazteria kriminalizatzeko helburua da, gainontzeko ikasleak beldurrarazteko, garaituak garela sinestarazteko eta borroka uzteko. Baina badakigu borroka dela hezkuntza publikoaren aurkako erasoak geratzeko bide bakarra.

LEER EN CASTELLANO

Ongi etorri!

Azken asteetan zuen aurpegietako sufrimenduzko eta etsipenezko irudiek kolpatu eta hunkitu egin gaituzte. Suntsiketatik eta miseriatik alde egiteko bide luze eta gogorra ari zarete egiten. Sumindu eta haserrez bete gara poliziak nola kolpatzen zintuzten ikustean edo Europa “zibilizatuko” gobernuek baldintza miserableetan plazetan, tren geltokietan eta alanbradaz inguratutako guneetan, janari eta urik gabe, osasun harretarik gabe, aterpe duinik gabe, pilatu zaituztenean. Errealitate anker honek gure familien historia gogorarazten digu, gure aiton-amona asko diktadura frankistatik ihes eginez erbestera joan zirenekoa. Leporaino beteta zeuden itsasontzietan edo ilara amaigabeetan umeekin, gosearekin, hotzarekin… ibili ziren zuek bezala. Milaka hil ziren kontzentrazio esparruetan.

 Ondo ezagutzen ditugu basakeria honen arduradunak. Rajoy, Merkel, Cameron eta gainontzeko agintari europarrak dira zuen etxeak, zuen ospitaleak eta ikastetxeak, zuen hiri eta bizitzak suntsitzen dituzten gerrak babestu eta finantzatzen dituztenak. Gure herrietan hezkuntza, osasuna eta eskubide sozialak suntsitzen urteak daramatzaten berberak dira, beren etxeetatik milaka familia kaleratu dituztenak, langabeziara kondenatzen gaituztenak eta hemen kentzen diguten etorkizun hobe baten bila atzerrira joatera behartzen gaituztenak. Kapital handien, banku handien, multinazional handien eta armen industriaren zerbitzura dauden gobernuak dira. Prest daude sufrimendu latz hau guztia eragiteko, horrekin beren irabaziak handitzen badituzte. Telebista kameren aurrean sarraski honekin larrituta daudenaren itxura egiten dute, baina beraiek dira zuen sufrimenduaren amesgaiztoa sortu dutenak.