Denak manifestaziora irailaren 21ean Bilbon, 12tan Euskadi Plazatik

(abajo en castellano)

Deskargatu orria

Bizkaiko metaleko langileek bost greba egun gehiago iragarri dituzte irailaren 20etik urriaren 4ko asterako. Sektorean lan baldintza duinen alde borrokatzen jarraitzea da helburua. Irailaren 21ean manifestazio bat egingo da Bilbon 12tan, eta bertan parte hartzeko deia luzatzen da langile klasearen osotasunari, gazteriari eta pentsionistei. Ikasle Sindikatutik greba deialdia babesten dugu eta irailaren 21eko manifestaziora batzen gara, gazteriari dei eginaz bertan parte hartzera.

Denak Manifestaziora apirilaren 6ean

Bilbo. 18:00tan Jesusen Bihotzetik

(abajo en castellano)

Sestaoko Naval ontziolari ixteko azken kolpea eman nahi diote. Martxoaren 4ean, langileek kaleratze autoa jaso zuten, plantila guztiari eragiten dion iraungitze EREaren baitan. Egoera larria da. 3 mila lanposturen galera suposatuko du itxierak, eta horrek hiru mila langile familiei eragiteaz gain, zuzenean eragiten digu gazteoi ere: gure gurasoek langile borroketan lortu zituzten lan baldintza guztiekin amaitu eta lanpostu duinak suntsitu nahi dituzte enpresariek eta beren zerbitzura dauden gobernuek, gazteok langabeziara, lanik prekarioenetara edo gure herrietatik alde egin behar izatera kondenatuz. Honen aurrean, beharrezkoa da gazteok ere langileen alboan mobilizatzea, eta ezkerraldeko industriaren eta lanpostu duinen aldeko borroka bateratzea.

KLIKATU HEMEN ETA SARTU ZURE DATUAK INPRIMAKIAN

Elkarrizketa Altsasuko gazteen amei

Articulo en castellano

Bi urte baino gehiago igaro dira 2016ko urriaren 15ean Altsasun, taberna atari batean, bi guardia zibil eta beren bikotekideak tartean hartu zituen liskar baten harira, herriko zortzi gazteri ekintza terroristak egitea leporatu zietenetik. Gertakari hori zuzenean Auzitegi Nazionalera eraman zen muntaia judizial bat bihurtzeko, komunikabideen kanpaina mediatiko izugarri batek lagunduta.

Denok Urtarrilaren 12an Bilbo eta Baionara

Kalean borrokatuz amaituko dugu errepresioarekin, dispertsioarekin eta mendeku politikekin

Euskal presoen egoerak benetan larria izaten jarraitzen du. Dispertsio politikek eragiten die egun 250 euskal preso baino gehiagori eta presoez gain, beren senitarteko eta lagunak zuzenean zigortzen ditu, asteburuero milaka kilometro egitera kondenatuz eta euren biziak etengabe arrikusan jartzera behartuz. Presoei espetxeetan aplikatu zaizkien erregimen bereziek, tratu ankerrek, kondenen biderketak, etab. horien artean gaixotasun larriak dituztenen kopuruak etengabe gora egitea ekarri du. Motxiladun haurrak eta gazteak ere kopuruz hazi dira. Gurasoak milaka kilometrora dauden espetxeetan dituzte, eta haurtzaro duin baterako oinarrizko eskubidea kendu zaie, zerikusirik ez duten mendeku politikengatik.  Baina Estatuen buruan dauden alderdietako politikariei sufrimendu horrek, oinarrizko giza eskubideek ez die axola, oraindik ere euren interes politikoetarako erabiltzen baitituzte euskal presoak.

"Feminismoa, pentsionistak eta Altsasuko kasua izan dira gizartea esnatzeko modu bat eta esateko sistemari: honaino"

Altsasuko gazteen kasua eta egin diren mobilizazio erraldoiak borroka ikur bihurtu dira. Milaka eta milaka izan gara auziperatuak askatzeko eta muntaia polizialekin amaitzeko aldarrikatu dugunak, zuzenean salatuz sistemaren zerbitzura dagoen aparatu judizial hau. Ezker Iraultzaileko kideak borroka honetan laguntze aldera nazioarte mailako elkartasun kanpaina bat jarri dugu abian. Bertan parte har dezakezu eta hori zabaldu.

Bel Pozuetarekin eta Amaia Amilibiarekin egon gara elkar hizketan, espetxean dauden Adur eta Jon Anderren amak. Gure eskerrik eta babesik beroena bidali nahi diegu hemendik beraiei, gazteei eta senitarteko zein lagun guztiei, muntaia honen aurkako borrokan.

Bizkaia mailako Greba Orokor baten alde enpleguen defentsan!

(abajo en castellano)

Naval Euskal Herriko ontziolarik handiena da eta Ezkerraldeko industriaren enpresa nagusiena. Garai batean 3.000 langile aritu ziren bertan, eta bere instalazioetan munduko itsasontzi handienetariko batzuk egin izan dira. Konkurtso-prozesuan urtebete eman ondoren, ixteko zorian dago, eskualdeko hainbeste enpresekin gertatu den bezala. 180 langile kalean geratuko dira, eta ontziolari lotutako beste 400 enpresa osagarriren eta 2.000 langileren etorkizuna kolokan geratzen da.