Apirilaren 27an Pablo Iglesias Podemoseko buruak, Alberto Garzón, Izquierda Unidako koordinatzaileak eta En Comú Podem eta En Mareako parlamentarioek Rajoyren kontrako zentsura mozioa aurkeztu zuten. Erabaki hori justifikatzen duten argudioak argiak dira: ustelkeriaz leporaino dagoen gobernua eta gizartearen kontra murrizketa eta eraso politika bortitzak aplikatzen dituen gobernua honek ezin du jarraitu. Pablo Iglesiasen hitzetan, “salbuespen egoera demokratikoa dago, arpilatze publiko iraunkorrarekin”. Ezker Iraultzailetik parlamentuko ekimen horri gure babesa ematen diogu, baina ez dela nahikoa azpimarratzen dugu. Mozioari greba orokor batek jarraitu behar lioke; herrialde osoan mobilizazio masiboak antolatuz babestu behar da mozioa. Arrazoiak soberan daude, eta hura lortzeko baldintzak argi daude.

Martxoaren 22 eta 23 borroka egunak izan dira Hego Euskal Herria hezkuntza publikoaren alde, eta PPren gobernuak (Ciudadanos eta PSOEko zuzendaritza golpistaren babesarekin) nahiz EAJ-PSEren gobernuak, politika berberak aplikatuz, inposatzen dituzten eraso eta murrizketen aurka. Asteazkenean grebara hezkuntza publikoko irakasleak atera ziren, ELA, LAB eta Steilas sindikatuek deiturik Gipuzkoa, Araba eta Bizkaian, Eusko Jaurlaritzari lan baldintzak hobetzea eskatuz eta Heziberriren aurka. Batez ere, 2008-2009 ikasturtetik aplikatzen ari diren murrizketek, besteak beste, geroz eta gehiago larriagotzen du langileek jasaten dituzten baldintza prekarioak: %40ko behin-behinekotasuna, gela masifikatuak, betetzen ez diren ordezkapenak, etab. Gainera Heziberri planaren ezarpena dago: EAJk diseinatu du LOMCEa kalkatuz. ELA sindikatuaren arabera, grebaren jarraipena %75ekoa izan da, eta milaka izan ziren Donostia, Bilbo eta Gasteizko manifestazioetan parte hartu zutenak.

Manifestazioak:

Donostian,12:00etan Ibaetako kanpusetik.  

Bilbon, 12:00etan Bihotz Sakratutik.

Martxoaren 9an Hezkuntza Komunitate osoko Greba Orokorra!

• LOMCE, Heziberri eta 3+2 ezabatzearen alde!
• Eskola publikoari lapurtutako 7.000 milioiak itzultzearen alde!
• Itunik ez eskuinarekin, eskola pribatuetako patronalekin eta Elizarekin!
• Kalitatezko eskola publiko, duin, laiko, doako, demokratiko eta euskaldunaren alde!

Gure buruak bizirik nahi ditugu, aske eta borrokalari!

Datorren martxoaren 8an emakumeen hainbat elkarte eta mugimenduk mundu mailako grebarako deia egin dute indarkeria matxistaren aurka eta gure eskubideen defentsan. Azken hilabeteetan, mundu osoan milioika emakume mobilizatu dira helburu horretan: AEBn Trumpen eta bere diskurtso misoginoaren, arrazistaren eta homofoboaren aurka,  Polonian bertako gobernu eskuindarrak zeukan abortatzeko eskubidea ukatzeko asmoaren aurka, Latinoamerikan milioika emakume atera ziren kalera hiri nagusietan lelo batekin: Gure buruak bizirik nahi ditugu, inor gehiago ez!